Yosue 16 - BII BILA

Lɛŋnde polale Efraim-nden a polale Manase len le sɔla len

¹ Pɛɛngula lɛŋnde cuavaa-imamaa Yosɛf-a sɔla len-ndan la yɔŋnun ndan ni: cɔnɔnndo o peo Yurdɛn, mí la kei o pee kolaa Yeriko ciee-lekɔɔ a ba paalen le can-ndo. Cɔnɔnndo Yeriko lon, mí la kei o lɛŋnde veselɛilen nin, mí la kɔ hel o tàndá n'pemboo Betɛl.

² Cɔnɔnndo lon, mí la kɔa Lus, mí la kei Atarɔt o lɛŋnde Arkiia,

³ mí la tuusu, mí la kɔ kei o tàndá Yafletiia a ba paalen le del-lo. Cɔnɔnndo lon, mí la kei Bɛt-Hɔrɔn a ba too, mí la fula Kesɛr, mí la kɔ del o mɛmma ihɛllan coo.

⁴ Mí vanaa fula kan o polale Yosɛf len nin-nda piɔvan lɛŋnde len, polale Manase len a polale Efraim-nden pɛɛn.

⁵ Mí yungula fula o polale Efraim-nden nin-ndan la sɔla lɛŋnden cɔnɔnndo Atrɔt-Adar a ba too a ba paalen le can-ndo, kɔlan háá Bɛt-Hɔrɔn a maluaŋ,

⁶ cɔnɔnndo lon, mí la kɔ tiiya o mɛmma ihɛllan. Mí la can Mikmetat a maluaŋ, mí la kei o tàndá Taanat-Silo-o nin, mí la kɔa Yanoa.

⁷ Cɔnɔnndo lon, mí pɛɛngula kalalan la toal Atarɔt a Naara, mí la kei a Yeriko, mí la kɔ tiiya Yurdɛn o peelo.

⁸ Cɔnɔnndo Tapua, mí pɛɛngulan la pilapilan pee pɔmbɔɔ Kana a ba paalen le del-lo, mí la kɔ del o mɛmma ihɛllan coo. Lɛŋnde len le yɔŋnun le polale Efraim-nden kɛ́ɔ ni mɛɛ yungula ndalan la co yɛ,

⁹ handɔɔ niko kobila va le poaa Efraim-nda lan a cieon pɔmbɔn balu lan mí n va o tàndá Manase-o coo-on.

¹⁰ Yungu Efraim-ndo tuw Kanaŋaa va icali Kesɛr-a le, lelan Kanannda co icali yungu Efraim-ndo tɛɛn háá paalen nden ni. Kɛ nda va le baalala kálà-kálàlan tosaa ni.