Yosue 15 - BII BILA

Lɛŋnde polale Yuda len le sɔla len

¹ Mí polale Yuda len le sɔla lɛŋnden mɛɛ yungula ndalan la va yɛ. Cɔnɔnndo o lɛŋnde Edɔm-nden kɔlan háá o lɛŋnde veselɛilen Sin, le co o mɛɛlulan a ba too dí len.

² Pɛɛngula ndalan a ba too la va cɔnɔnndo o mɛmma hɛlii bɛnduan kɔngɔ, mí la kɔa o sɔngi luɛi a ba too-o,

³ mí la kei a ba too o fonda nɔ diolan aa helɔɔ-ngeemaa-o, mí la kei a Sin, mí la tuusu vɛlɛ Kadɛs-Barnea a ba too, mí la kei Hɛsrɔn, mí la heelu háá Adar, o kon mí la tundun a kpengii Karkaa-e.

⁴ O kon kɔɔli, mí pɛɛngula lan la kei Asmɔn, mí la hiaw a ba pee pɔmbɔɔ Esipte, le kɔlan tiiyaa o mɛmma ihɛllan. Pɛɛngula lan la va le Yuda a ba too ni.

⁵ Mɛmma hɛlii bɛnduan ma va pɛɛngulan a ba paalen le can-ndo ni, tiiyaa háá nɛɛ Yurdɛnndan ma kɔ del lecoo-a. O fonda kon koni pɛɛngula kɔɛ a ba luaŋ-ndo lan la cɛn ni.

⁶ Mí la heelu a kpengii Bɛt-Hɔkla-e, mí la kei Bɛt-Araba a ba luaŋ-ndo, mí la heelu háá o powvo Bohan, po Rubɛn-ndo pum Bohan va ni.

⁷ Mí pɛɛngula kalalan la kei o bóllo Akɔr nin, mí la heelu Debir, mí la kɔ tundun a ba luaŋ-ndo le kɔlan Kilkal, helɔɔ Adumim o hɔl-ndɔ o pee pɔmbɔɔ a ba too. Mí la kɔ kei o soonnda mamɛnndan Ɛin-Siemɛs, mi la kɔ tiiya Ɛin-Rokɛl.

⁸ O kon, mí la can o Bóllo Bɛn-Hinnɔm, mí la kɔ del o pee tuusu pembei Yebus-o coo, Yerusalɛm pɛɛn. Mí la can ndon, mí la kɔ heelu o pembii co o bóllo Hinnɔm a ba paalen le can-ndo-e tullo, nɛɛ bóllo Refaim mɛɛlu a maluaŋ-nda.

⁹ Cɔnɔnndo o pembii kalɛi tullo, mí la kɔ tundun a kpengii soonnda mamɛnndan Nɛftoa, mí la tiiya o kobila co o pembei Efrɔn coo lan, mí la tuusu Baala, o co Kiriat-Yearim-ndo pɛɛn.

¹⁰ Cɔnɔnndo Baala, mí pɛɛngula kalalan la kɔ tundun o pembei Seir a ba paalen le del-lo, mí la kei o pee tuusu pembei Yearim-ndo a maluaŋ (Yearim nda veelu vɛlɛ aa Kesalon-ndo pɛɛn.) Mí la tuusu Bɛt-Siemɛs, mí la hiaw Timna.

¹¹ Mí la kɔ demul Ekrɔn a maluaŋ, mí la tundu a ba Sikarɔn-ndo, mí la kei a pembei Baala, mí la tiiya Yabneɛl, mí la kɔ mɛɛlu o mɛmma ihɛllan Mediteranee.

¹² Mɛmma ihɛlma bɛnduma man ma va pɛɛngulan a ba paalen le del-lo ni. Nuaa lɛŋnde cɛila yɛ́-yɛ́la fula o polale Yuda len nin-ndan la sɔla len léè nɔ pɛɛngulan ni.

¹³ Má ke Kalɛb, po Yefune-o yondoo o lɛŋnde polale Yuda len léè sɔla len nin mɛɛ Mɛlɛka ndóò dimul Yosue yɛ. Mí Kalɛb sɔla Kiriat-Arba, kobi fuɲaa Anak-o, o nda veelu sisa aa Hebrɔn-ndo pɛɛn.

¹⁴ Mí Kalɛb toaw yungula poaa yáá-aa Anak-a: yungu Sesai-yo, yungu Ahiman-ndo a yungu Talmai-yo.

¹⁵ Cɔnɔnndo lon, mó kuel vanaa va Debir-a, kobi ndáà veelu aa Kiriat-Sefɛr-o.

¹⁶ Mí Kalɛb dimi aa: «Vana cɔlɔbanin kobio Kiriat-Sefɛr mò nɔla ndu-o, i yɔngu ndu Aksa cua ni o nɔ̀u nin.»

¹⁷ Mí Otniɛl, po Kenas, puapilɛ Kalɛb-o bii kobi kon. O kon, mí Kalɛb yɔngu ndu Aksa cua ndɔ o nɔ̀u nin.

¹⁸ Tuma Aksa tiiya o Otniɛl lo-o, mó dimul Otniɛl le Kalɛb fuɲa ndɔ yondoo piɛiyo. O kon, mí Aksa toal o sofɛlɔɔ coo, mí Kalɛb ɲuna ndu aa: «Yɛɛ nɛ n yeema yɛ?»

¹⁹ Mó muli aa: «Tosal-la kɛndɛi pum! Yondo n ke ya a ba too-o, o co yondo nàŋ ɲɛ le o co le. Lelan, ke ya vɛlɛ soonnda mamɛnndan.» Mí Kalɛb ke Aksa soonnda mamɛnndan lecoo a lan lebɛngu.

²⁰ Kobila poaa fula o cɛila yɛ́-yɛ́la va o polale Yuda len nin-nda sɔla kɛ́ɔ lan la co lan ni:

²¹ Kobila va o lɛŋnde polale Yuda len le sɔla len mɛɛlulan o pɛɛngulan a Edɔm ikɛi lan, Kabseɛl, Edɛr, Yakur,

²² Kina, Dimona, Adeada,

²³ Kedɛs, Hatsɔr, Itan,

²⁴ Sif, Telɛm, Bealɔt,

²⁵ Hatsɔr-Hadata, Keriɔt-Hɛsrɔn (o ndáà veelu vɛlɛ aa Hatsɔr-o pɛɛn),

²⁶ Amam, Sema, Molada,

²⁷ Hasar-Kada, Hɛsmɔn, Bɛt-Pelɛt,

²⁸ Hasar-Sual, Bɛɛr-Seba a cieon va o kobi kon ba bɛngu-on,

²⁹ Baala, Iyim, Asɛm,

³⁰ Ɛltolad, Kesil, Hɔrma,

³¹ Siklak, Madmanna, Sansanna,

³² Lebaɔt, Silhim, Ayin a Rimɔn. La va faw-faw kobilan bidiin a laŋɔmahiɔɔlu a cieon va lan o ba bɛngu-on.

³³ Kobila va o dɛɛlaa nin-ndan la va lan ni: Ɛstaɔl, Sorea, Asna,

³⁴ Sanoa, Ɛin-Kanim, Tapua, Enam,

³⁵ Yarmut, Adulam, Soko, Aseka,

³⁶ Saaraim, Aditaim, Kedera a Kederotaim. La va faw-faw kobilan tɔ́ a lahiɔɔlu a cieon va lan o ba bɛngu-on.

³⁷ Kobilan ndan bɛɛ la va lecoo: Senan, Hadasa, Mikdal-Kad,

³⁸ Dilean, Mispe, Yɔkteɛl,

³⁹ Lakis, Bɔskat, Ɛklɔn,

⁴⁰ Kabon, Lamas, Kitlis,

⁴¹ Kederɔt, Bɛt-Dakɔn, Naama a Makeda. La va faw-faw kobilan tɔ́ a laŋɔmpum a cieon va lan o ba bɛngu-on.

⁴² Libna, Etɛr, Asan,

⁴³ Yifta, Asna, Nɛsib,

⁴⁴ Keila, Aksib a Maresa bɛɛ va lan coo. La va faw-faw kobilan tan ŋɔmahiɔɔlu a cieon va lan o ba bɛngu-on.

⁴⁵ Ekrɔn, cieon ndɔn a sɔndɔkɔlta ndɔlan,

⁴⁶ kobila va Asdɔd ikɛi lan kpow a cieon ndan, kandɔɔ Ekrɔn háá a ba paalen le del-lo,

⁴⁷ Asdɔd, Kaasa a kobila ndalan a á cieon va lan o ba bɛngu-on, kɔlan háá o pee pɔmbɔɔ Esipte, kɔ tiiya háá o mɛmma ihɛlma bɛnduan kɔngɔlan.

⁴⁸ Kobila va o lɛŋnde n'pembulen nin-ndan la va lan ni: Samir, Yatir, Soko,

⁴⁹ Danna, Kiriat-Sanna (o ndáà veelu vɛlɛ aa Debir-o),

⁵⁰ Anab, Ɛstemo, Anim,

⁵¹ Kosɛn, Holɔn a Kilo. La va faw-faw kobilan tɔ́ a ò pilɛ a cieon va lan o ba bɛngu-on.

⁵² Lapum la va vɛlɛ: Arab, Duma, Esean,

⁵³ Yanum, Bɛt-Tapua, Afeka,

⁵⁴ Humeta, Kiriat-Arba (o ndáà veelu vɛlɛ aa Hebrɔn-ndo) a Siɔr. Faw-faw, kobilan tan ŋɔmahiɔɔlu a cieon va lan o ba bɛngu-on.

⁵⁵ O lan kɔɔli, kobila va vɛlɛ lan la va lan ni: Maɔn, Karmɛl, Sif, Yuta,

⁵⁶ Yisreɛl, Yɔkdeam, Sanoa,

⁵⁷ Kain, Kibea a Timna. La va faw-faw kobilan tɔ́ a cieon va lan o ba bɛngu-on.

⁵⁸ La celen la va vɛlɛ: Halhul, Bɛt-Sur, Kedɔr,

⁵⁹ Maarat, Bɛt-Anɔt, Ɛltekɔn, la va faw-faw kobilan tan ŋɔmpum a cieon va lan o ba bɛngu-on.

⁶⁰ Kiriat-Baal (o ndáà veelu vɛlɛ aa Kiriat-Yearim-ndo) a Raba la va vɛlɛ, kobilan tan tiɔn a cieon va lan o ba bɛngu-on.

⁶¹ Kobila va o lɛŋnde veselɛilen nin-ndan la co lan ni: Bɛt-Araba, Midin, Sekaka,

⁶² Nibsan, Ir-Hammela (kon co dimio ni aa «Kobi ihɛllo»), a Ɛin-Kedi. La va faw-faw kobilan tan ŋɔmpum a cieon va lan o ba bɛngu-on.

⁶³ Kɛ polale Yuda len le nɔla Yebusiaa va icali Yerusalɛm-nda tovɔɔ le, lelan Yebusiia lo icali Yudaa tɛɛn o kobi kon nin háá paalen nden ni.