Nehemi 7 - BII BILA

Fɛɛlɛlan le kobio Yerusalɛm kandaa

¹ «Lɔ́ɔ́ kpakio cuu mingi cɔvɔɔ, mí luei koŋnda bɛndulan o diolan-ndo, má kɛsi kpalilaa cumulaa ladioa, vanaa solia n'condua a leviia o fondala ndalan.

² Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

³ Mí dimul nda aa: ‹Diola luɛyaalan Yerusalɛm la va penaa kumbinndo le, fɔ mì yɛnnden le kendu. Icɔl vɛlɛ, o bɛnda mì la kindan a sɔkɔan malan kpalilaa cumulaa ladioa mal baala ndaa. Yerusalɛmnda bɛnda ma va cumullo, mì vana-vana va o fonda ndɔɔ, vana-vana o cɛi ndɔɔ hɔl-ndɔ.›»

Diola Israɛlaa fula o cɛlen nin-nda

⁴ «Kobio va o bɔɔ taw, ndóò tongu taw, kɛ vanaa bɔɔ ve lenin te. Kani ndáà mingi vɔ cɛila bɔɔ-bɔɔ tangul te.

⁵ Mí Hala nuu yɔngu ya yiyanndo le vanaa bɛndua, simlacia a vanaa tɔ̀a kpow bɔɔŋiaa le nda diolan sɛvaa. Mí saalun sɛbɛ diola vanaa tasea fula o biyɔɔ nin-nda va lasɛvaalan nin-ndo.

⁶ Mí vanaa bɔɔ-bɔɔ a fula o yungula Nebukanɛsar, masaa Babilɔn, ndóò bii o cɛlen nin-ndan nin, má muungu Yerusalɛm a o tàndá Yuda-o nin. Mí vana-vana muungu o kobi o fula-o nin.

⁷ Vanaa sim nda laci o muungu kon-nda yɔŋnun haa ni: Sorobabɛl, Yosue, Nehemi, Asaria, Ramia, Nahamani, Mardosee, Bilsan, Misperɛt, Bikvai, Nehum a Baana. Mɛɛ vanpiaandua Israɛlla va sɛ́lɛ́ yɛ co hoo ni:

⁸ poaa Pareɔs-a, vàálan tan tiɔn a kɛmɛ belaŋɔmmɛw a à ŋiɔn (2 172),

⁹ poaa Sefatia-a, kɛmɛ leyáá belaŋɔmmɛw a à ŋiɔn (372),

¹⁰ poaa Ara-a, kɛmɛ leŋɔmpum beleŋuɛɛnu a à ŋiɔn (652),

¹¹ poaa Pahat-Moab-a, fulaa o poaa Yosue nda Yoab-a tɛɛn, vàálan tan tiɔn a kɛmɛ leŋɔmaa a tɔ́ a à ŋɔmaa (2 818),

¹² poaa Elam-nda, vàá pilɛ a kɛmɛ lediin a beleŋuɛɛnu a à hiɔɔlu (1 254),

¹³ poaa Satu-a, kɛmɛ leŋɔmaa a belehiɔɔlu a à ŋuɛɛnu (845),

¹⁴ poaa Sakai-ya, kɛmɛ leŋɔmmɛw a belaŋɔmpum (760),

¹⁵ poaa Binnui-ya, kɛmɛ leŋɔmpum a belehiɔɔlu a à ŋɔmaa (648),

¹⁶ poaa Bebai-ya, kɛmɛ leŋɔmpum a bidiin a à ŋɔmaa (628),

¹⁷ poaa Askad-a, vàálan tan tiɔn a kɛmɛ leyáá a bidiin a à ŋiɔn (2 322),

¹⁸ poaa Adonikam-nda, kɛmɛ leŋɔmpum a belaŋɔmpum a à ŋɔmmɛw (667),

¹⁹ poaa Bikvai-ya, vàálan tan tiɔn a belaŋɔmpum a à ŋɔmmɛw (2 067),

²⁰ poaa Adin-nda, kɛmɛ leŋɔmpum a beleŋuɛɛnu a à ŋuɛɛnu (655),

²¹ poaa Atɛr fula o yungu Esekiɛl-lo nin-nda, belaŋɔmahiɔɔlu a à ŋɔmaa (98),

²² poaa Hakum-nda, kɛmɛ leyáá a bidiin a à ŋɔmaa (328),

²³ poaa Besai-ya, kɛmɛ leyáá a bidiin a à hiɔɔlu (324),

²⁴ poaa Harif-a, kɛmɛ tɔ́ a à ŋiɔn (112),

²⁵ poaa Kabaɔn-nda, belaŋɔmahiɔɔlu a à ŋuɛɛnu (95),

²⁶ vanpiaandua fula Bɛtlɛhɛm-nda a á fula Netofa-a, kɛmɛ belaŋɔmaa a à ŋɔmaa (188),

²⁷ vanpiaandua fula Anatɔt-a, kɛmɛ a bidiin a à ŋɔmaa (128),

²⁸ vanapiaandua fula Bɛt-Asmavɛt-a, belehiɔɔlu a à ŋiɔn (42),

²⁹ vanpiaandua fula Kiriat-Yearim-nda a fula Kefira-a a á fula Beerɔt-a va kɛmɛ leŋɔmmɛw a belehiɔɔlu a à yaa (743),

³⁰ vanpiaandua fula Rama-a a á Keba-a va kɛmɛ leŋɔmpum a bidiin a ò pilɛ (621),

³¹ vanpiaandua fula Mikmas-a, kɛmɛ bidiin a à ŋiɔn (122),

³² vanpiaandua fula Betɛl a Ai-ya va kɛmɛ bidiin a à yaa (123),

³³ vanpiaandua fula Nebo pilɔɔ-a va beleŋuɛɛnu a à ŋiɔn (52),

³⁴ poaa Elam pilɔɔ-a va vàá pilɛ a kɛmɛ lediin a beleŋuɛɛnu a à hiɔɔlu (1 254),

³⁵ poaa Harim-nda, kɛmɛ leyáá a bidiin (320),

³⁶ vanpiaandua fula Yeriko-a va kɛmɛ leyáá a belehiɔɔlu a à ŋuɛɛnu (345),

³⁷ vanpiaandua fula Lɔd-a, a fula Hadid-a a á fula Ono-a, kɛmɛ leŋɔmmɛw bidiin a ò pilɛ (721),

³⁸ vanpiaandua fula Senaa-a, vàálan tan yáá a kɛmɛ leŋɔmahiɔɔlu a beleyaa (3 930).

Vanaa-solia-lasálàá

³⁹ Poaa Yedaya fula o yungu Yosue-o nin-nda, kɛmɛ leŋɔmahiɔɔlu a belaŋɔmmɛw a à yaa (973),

⁴⁰ poaa Immɛr-a, vàá pilɛ a beleŋuɛɛnu a à ŋiɔn (1 052),

⁴¹ poaa Pasur-a, vàá pilɛ a kɛmɛ lediin a belehiɔɔlu a à ŋɔmmɛw (1 247),

⁴² poaa Harim-nda, vàá pilɛ tɔ́ a à ŋɔmmɛw (1 017).»

Leviia

⁴³ Poaa Yosue nda Kadmiɛl-la, fulaa o poaa Hɔdva-a tɛɛn-nda, nda va belaŋɔmmɛw a à hiɔɔlu (74).

⁴⁴ Vanaa solia n'condua, poaa Asaf-a, kɛmɛ a belehiɔɔlu a à ŋɔmaa (148).

⁴⁵ Vanaa cumulaa ladioa: poaa Salum-nda, poaa Atɛr-a, poaa Talmɔn-nda, poaa Akub-a, poaa Hatita-a a poaa Sobai-ya, kɛmɛ a beleyaa a à ŋɔmaa (138).

⁴⁶ Kunda vanaa va baalala pɔm-pɔmbɔlan tosaa o Cɛi-Hala-o nin-nda: poaa Siha-a, poaa Hasufa-a, poaa Tabaɔt-a,

⁴⁷ poaa Kerɔs-a, poaa Sia-a, poaa Padon-nda,

⁴⁸ poaa Lebana-a, poaa Hakaba-a, poaa Salmai-ya,

⁴⁹ poaa Hanan-nda, poaa Kidɛl-la, poaa Kahar-a,

⁵⁰ poaa Reaya-a, poaa Resin-nda, poaa Nekoda-a,

⁵¹ poaa Kasam-nda, poaa Usa-a, poaa Pasea-a,

⁵² poaa Besai-ya, poaa Meunim-nda, poaa Nefisim-nda,

⁵³ poaa Bakbuk-a, poaa Hakufa-a, poaa Harur-a,

⁵⁴ poaa Baslut-a, poaa Mehida-a, poaa Harsa-a,

⁵⁵ poaa Barkɔs-a, poaa Sisera-a, poaa Tama-a,

⁵⁶ poaa Nesia-a, poaa Hatifa-a.

Poaa buɛyaa Salomɔn-nda

⁵⁷ Poaa Sotai-ya, poaa Soferɛt-a, poaa Perida-a,

⁵⁸ poaa Yaala-a, poaa Darkɔn-nda, poaa Kidɛl-la,

⁵⁹ poaa Sefatia-a, poaa Hatil-la, poaa Pokerɛt-Hasebayim-nda, poaa Amon-nda.

⁶⁰ Vanaa va baalala pɔm-pɔmbɔlan tosaa o Cɛi-Hala-o nin-nda a poaa buɛyaa Salomɔn-nda va faw-faw n'van kɛmɛ leyáá a n'van belaŋɔmahiɔɔlu a vanaa ŋiɔn (392).

⁶¹ Vanaa fula yɛ o biyɔɔ nin Tɛl-Mela, Tɛl-Harsa, Kerub-Adon a Immɛr-a a nɔla diola fuɲaa ndaa mamaa loonɔnndo haliko mi vana sina maa Israɛlla le nda co le. Nda yɔŋnun haa ni:

⁶² poaa Delaya-a, poaa Tobiya-a a poaa Nekoda-a. A va faw-faw n'van kɛmɛ leŋɔmpum a belehiɔɔlu a à ŋiɔn (642).

⁶³ Nduyɛ, o vanaa-solia-lasálàá tɛɛn bɛɛ, mí dɛnɛ vaa lende yɔŋnun. Vanaa kan yɔŋnun haa ni: poaa Hobaya-a, poaa Hakɔs-a a poaa Barsilai-ya. Barsilai kon, le tùú ndóò nɔ cua Barsilai fula Kalaad-o o nɔ̀u nin-ndo diola Barsilai lan la hel ndu coo ni.

⁶⁴ Má yaasiaa o sɛbɛlan nin le sinaa polale ndáà fula nin-nden, kɛ a sina len te few. Le hee, má faŋa nda o baala solia lasálàá nin.

⁶⁵ O kon mí masa ibungaa dimul nda maa a dia ɲɛm diandan te, háá fɔ mì vana-solia-lasálàá ɲuna Mɛlɛka o urim a tumim hiiloo nin.

⁶⁶ Nda kpow, a va vaalan belehiɔɔlu a latiɔn a kɛmɛ leyáá a belaŋɔmpum (42 360).

⁶⁷ Vanaa kan ndáà nɔ cɛa, a laandua a à piaandua, a cɔm cɛa kan o kundaa ho coo le. Cɛa kan nda va vàálan tan ŋɔmmɛw a kɛmɛ leyáá a beleyaa a vanaa ŋɔmmɛw (7 337). Nda nɔ vɛlɛ vanaa solia n'condua, a piaandua a à laandua, kan va n'van kɛmɛ lediin a n'van belehiɔɔlu a vanaa ŋuɛɛnu (245) o kunda kon tɛɛn.

⁶⁸ Ndáà nɔ ɲɔɔmɛɛa kɛmɛ lehiɔɔlu a beleyaa a à ŋuɛɛnu (435) a sofɛlɛa vàála ŋɔmpum a kɛmɛ leŋɔmmɛw a bidiin (6 720).

⁶⁹ Mí bolii lapangɛi pum yɔngu ɲɛm ndan le baalaa. Mí masa ibungaa ndu yɔngu sianin n'kpungban vàá pilɛ (1 000), bonyun fuusan beleŋuɛɛnu a domala solia lasálàlan kɛmɛ leŋuɛɛnu a beleyaa. Ɲɛm nda cuungiaa mun-ndon bɛnda faw-faw: sianin kpungban vaalan bidiin (20 000) a volion kilolan vàá pilɛ a kɛmɛ (1 100).

⁷⁰ Mí vanaa va bolii lapangɛi-ya pum a yɔngu sianin n'kpungan vaalan bidiin (20 000) a volin latámán kilolan vàá pilɛ a kɛmɛ (1 100).

⁷¹ Mí Israɛlaa tɔ̀a yɔngu sianin kpungban vaalan bidiin (20 000), volin latámán kilolan vaalan pilɛ (1 000) a domala solia lasálàlan belaŋɔmpum a laŋɔmmɛw.

⁷² Mí vanaa-solia-lasálàá, leviia, kpalilaa cumulaa ladioa, vanaa solia n'condua, vanaa va baalala pɔm-pɔmbɔlan tosaa o Cɛi-Hala-o nin-nda a Israɛlaa tɔ̀a pum a kɔ cal o kobila ndalan nin. O paangii ŋɔmmɛwndɔɛi nin, Israɛlla kpow a va icali o kobila ndalan nin.