Nehemi 12 - BII BILA

Diola vanaa-solia-lasálàá nda leviia

¹ «Diola vanaa-solia-lasálàá a leviaa fula o cɛlen nin, má muungu latulu a Sorobabɛl po Sealtiɛl-lo nda Yosue-a la co lan ni: Seraya Yeremi, Ɛsdras,

² Amaria, Maluk, Hatus,

³ Sekania, Rehum, Meremɔt,

⁴ Ido, Kinetoi, Abiya,

⁵ Miamin, Maadia, Bilka,

⁶ Semaya, Yoyarib, Yedaya,

⁷ Sallu, Amɔk, Hilkiya, Yedaya. Haa va simlacia vanaa-solia-lasálàá a puapilɛa ndaa leviia ni.

⁸ Leviia yɔŋnun haa ni: Yesua, Binnui, Kadmiɛl, Serebia, Yuda, Matania. Nda óò soli condun lisan nda puapilɛa ndaa ni.

⁹ Mí Bakbukia nda Unni nda va le condon cɛlɔɔ, nda va baala kon tosaa puapilɛa ndaa kan ikɛi.

¹⁰ Yesua velu Yoyakim ni, mí Yoyakim vialu Eliasib, mí Eliasib vialu Yoyada.

¹¹ Mí Yoyada vialu Yonatan, mí Yonatan vialu Yadua.

¹² Vanaa-solia-lasálàà bɛndua va bolii lapangɛi o telen Yoyakim-ndo-a co haa ni: Meraya le yungu Seraya-o, Hanania le yungu Yeremi-o,

¹³ Mesulam le yungu Ɛsdras-o, Yohanan le yungu Amaria-o,

¹⁴ Yonatan le yungu Meluki-o, Yosɛf le yungu Sabania-o,

¹⁵ Adna le yungu Harim-ndo, Hɛlkai le yungu Merayɔt-o,

¹⁶ Sakari le yungu Ido-o, Mesulam le yungu Kinetɔn-ndo,

¹⁷ Sikri le yungu Abiya-o, le yungu Miniamin-ndo, Piltai le yungu Moadia-o,

¹⁸ Samua le yungu Bilka-o, Yonatan, le yungu Semaya-o,

¹⁹ Matenai le yungu Yoyarib-o, Usi le yungu Yedaya-o,

²⁰ Kalai le yungu Sallai-yo, Ebɛr le yungu Amɔk-o,

²¹ Hasabia le yungu Hilkiya-o, Netaneɛl le yungu Yedaya-o,

²² O paale Eliasib nda Yoyada len, o palɛi Yohanan a Yadua a va bolii vanaa-solia-lasálàá-a, mí diola leviaa va bolii lapangɛi-ya la sɛvan o sɛbɛ ladioo nin, mí diola vanaa-solia-lasálàá bɛɛ la va sɛvanndo lende háá o telen Darius Pɛrsenɔ va o masalen coo-o.

²³ Mí diola bolii lapangɛi leviia la sɛvan o sɛbɔɔ nin, kɛ o telen Yohanan po imama Eliasib-o nin daama kon tosan ni.

²⁴ Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

²⁵ Kpalilaa cumulaa ladioa va cɛila mandaa lavolɔɔla va o diola Cɛi-Hala-o ikɛi lan mandaa-a yɔŋnun haa ni: Matania, Bakbukia, Abdia, Mesulam, Talmɔn a Akub.

²⁶ Nda kpow a va baalaa tosaa o telen Yoyakim po Yesua-o va masalen tosaa-o ni, Yoyakim po imama Yosadak-o pɛɛn. Telen Nehemi va masa ibungaa, mí Ɛsdras va vana-solia-lasálàá a vana sɛvaa latɔŋndo-o pɛɛn.»

Nehemi tosa piɛilen le kpakio siinguuo teengen

²⁷ «Mɛɛ nda cii kpakio Yerusalɛm cɔvɔɔ, má veelu leviia kpow fulaa o fondala yɛ́-yɛ́la nda va icali lan le hunɔɔ kafo bɛndoo tosaa Yerusalɛm le kpakio kumbio a ɲaale bɛndoo, a condun biilan a kɛŋun comulan, a bangalan a á bɔ̀mbillon.

²⁸ Mí vanaa solia n'condua can o sɔndɔkɔlta ndáà tangul Yerusalɛm a Netofa balɔɔ lan nin, má cuungian,

²⁹ mí a pum fula vɛlɛ Bɛt-Kilkal co o lɛŋnde Keba a Asmavɛt len nin-ndo nin.

³⁰ Mí vanaa-solia-lasálàá a leviia dindin, má dindi vɛlɛ vannda, a koŋndan, a kpaki kobio.

³¹ Mí heelu simlacia Yuda o kpakio coo. Mí simi nda kundala bɛndulan tan tiɔn le condon. Mí kunda tasoo kɔa o ba kɛndɔɔ coo a kpengii co o Dio-puulu-sállo.

³² Mí Osee nda kunda tálá simlacia Yuda va hunɔɔ vanaa solia n'condua kɔɔli,

³³ handɔɔ niko Asaria, Ɛsdras, Mesulam,

³⁴ Yuda, Bɛnyamɛn, Semaya a Yeremi lecoo.

³⁵ O kon kɔɔli, mí vanaa-solia-lasálàá va bulula hɔŋaalan cuaa-a va hunɔɔ nda kɔɔli. Sakari po Yonatan-ndo, po Semaya-o, po Matania-o, po Mikaya-o, po Sakur-o po Asaf-o

³⁶ a puapilɛa ndɔa, Semaya, Asareɛl, Milalai, Kilalai, Maai, Netaneɛl, Yuda, Hanani, nda va ɲɛm-caan David, vana baala Hala-o, ndóò cɔw-von cuaa ni. Ɛsdras, vana sɛvaa latɔŋndo va kunda kon bollen ni.

³⁷ Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

³⁸ Mí kunda diinndɔ vanaa solia n'condua kɔa o ba mɛllo coo, mí ya pila a vannda táláá pilɔɔ n va kɔlan nda kɔɔli o kpakio coo. Mí n kei o cɛi coocoo latóndó leyinndo ikɛi, nɛɛ kpakio ndóò tongu-a,

³⁹ mí n hiaw, mí n kei o Dio-Efraim-ndo coo, o Dio-Yesana-o a o Dio-n'suwvo coo. Mɛɛ naa n hiow cɛi coocoo Hananeɛl-lo a cɛi coocoo Mea-o, mí n tiiya háá o Dio-n'saa, mí n kɔ sim o Dio-kpalilla.

⁴⁰ Mí kundala tiɔnnda lan la sim o Cɛi-Hala-o nin. Mí ya bɛɛ sim a vanaa kialaa n'yamaa va ya ikɛi-ya.

⁴¹ Vanaa-solia-lasálàá va bululan hɔŋndo-a a va haa ni: Eliakim, Maaseya, Miniamin, Mikaya, Elioenai, Sakari, Hanania,

⁴² Maaseya, Semaya, Eleasar, Usi, Yohanan, Malkia, Elam a Esɛr. Mí Yisrahia dimul vanaa solia n'condua le condon solio.

⁴³ Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

Ɲɛm co le vanaa-solia-lasálàá a leviia-on

⁴⁴ «Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

⁴⁵ Kani a va baala Hala-o tosaa, má va baala dindian dema tosanndo-o tosaa. Vanaa solia n'condua a kpalilaa cumulaa ladioa bɛɛ a va baala ndaa tosaa mɛɛ masaa David nda Salomɔn po ndɔ ndáà sila nda yɛ.

⁴⁶ Bau kabi lɔ́ɔ́ levil o telen David nda Asaf vana condaa-o bɛngu, simlacia vanaa solia n'condua kínɛí va simndan laci le condun biilan a condun lisaa Hala-on solio ni.

⁴⁷ O paale Sorobabɛl-ten a o paale Néhémii len, Israɛlla va ɲɛm bɛnda le vanaa solia n'condua a kpalilaa cumulaa ladioa-on yɔngoo lepalaa-lepala. A va vɛlɛ ɲɛm siŋnun teengen le Mɛlɛka-on leviia yɔngoo, mí leviia nda va ɲɛm mun hiwvo vanaa-solia-lasálàá, poaa Aarɔn-nda o ba. Kani mún ndáà bɛnda le sɔlaa ni.»