Yɔɛl 3 - BII BILA

Hala tuisinin Kɔl ndɔ Diandaa o palɛi mɛɛlɛi

¹ «O kon kɔɔli, i tuisinin Kɔl nuu vanndacieea kpow coo: poaa niaa a cuavaa niaa laandua tɛɛnguunin diom Hala-o. Kaasoŋaa yuuvɛyaa niaa sɔlnin lɔan, felengia niaa canin vunduan.

² Hali cɛa piaandua a à laandua coo, i tuisinin Kɔl nuu o palɛi ken nin.

³ I tosanin dɛnnda kaamaalan o halataala a o lɛŋnden coo: koovan, yinnden a tindile ikumnden.

⁴ Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

⁵ O kon, vana-vana veelu pɛ diola Mɛlɛka lan o piɛilen nin, ndu sɔla cindaa. Kani vanaa hialunnin-nda vanin o pembei Siɔn coo a o kobio Yerusalɛm nin. O vanaa lonin yoomu-a tɛɛn, vanaa Mɛlɛka veelu-a vanin maa mɛɛ ndu Mɛlɛka pila dimi yɛ.»