SƐBƐ YƆB-O 25 - BII BILA

Sɔɛi Bildad soo-e

¹ Mí Bildad fula Suha-o cua sɔɛi, mó dimi aa:

² «Hala o ba kpaayaa fula ni, ndu o ba koni siòònde fula ni, ndu luei kɔlɲuloo háá o halataala coocoo ni.

³ Nɛ̀ɛ́ nɔla yɛ vanaa ndɔa cɔwva cɔm mɛɛ nda co sɛ́lɛ́ yɛ? Nɛ̀ɛ́ ɲɛ-tengaa ndɔɔ kɛɛ yɛ tenga coo?

⁴ Vɛ̀ɛ̀ vanacieo tiw yɛ ba mò sɔla dí a Hala? Vɛɛ nɛ hɔ́ɔ́ vanalanɔɔ velu-o nɔla yɛ mò va o diandaa?

⁵ Tofa vɔ, hali paangei i co idiandaa Hala o hɔl te, loeon bɛɛ n co n'diandaa ndu o hɔl te.

⁶ Vɛ̀ɛ̀ vanaciee connun hoo maa londopolo-o ndu tiw yɛ niko ba mò va o diandaa Hala o hɔl? Vanacieo pɛɛn, o connun hoo maa dɛlu-o.»