O Kandɔɔ 10 - BII BILA

Yungula poaa Noe-a

¹ Kpundɛ mɛmma bɛndoo hiovɔɔ, mí poaa Noe-a, Sɛm, Ham a Yafɛt a vialu cuawva. Yungula ndalan la yɔŋnun ndan ni:

² Poaa Yafɛt-a yɔŋnun haa ni: Komɛr, Makɔk, Madai, Yavan, Tubal, Mesɛk a Tiras.

³ Poaa Komɛr-a yɔŋnun haa ni: Askenas, Rifat a Tokarma.

⁴ Poaa Yavan-nda yɔŋnun haa ni: Elisia, Tarsis, Kitim a Dodanim.

⁵ O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

⁶ Poaa Ham-nda yɔŋnun haa ni: Kus, Misrayim, Put a Kanaan.

⁷ Poaa Kus-a yɔŋnun haa ni: Seba, Havila, Sabta, Raema a Sabteka. Poaa Raema-a yɔŋnun Saba nda Dedan ni.

⁸ Mí Kus vialu vɛlɛ Nimrɔd, mí Nimrɔd kon kandu dɛnnda kpaayala tɔ́ɔ́ bɛndulan tosaa o lɛŋnden coo.

⁹ Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.»

¹⁰ Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

¹¹ Mí Nimrɔd faŋan o lɛŋnde len nin, mó kɔ cal Asiri. Mó tangul Ninive, Rehobɔt-Ir a Kala,

¹² mó tangul vɛlɛ kobio pum diolan Resɛn, o kobio Ninive a o kobi bɛndoo Kala tɛɛn o tangul ndu ni.

¹³ Misrayim yɔŋnun fuɲa-mama vanaa co icali Ludim, Anɛm, Behab, Naftu,

¹⁴ Patrɔs, Kasluhim a Kaftɔr-a ni. Kaftɔr lon Filistia cɛn tum ni.

¹⁵ Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

¹⁶ Hɛt va fuɲa-mama Yebusiia, Amoriia, Kirkasiia,

¹⁷ Heviia, Arkiia, Siniia,

¹⁸ Arvadiia, Semariia a Hamatiia ni. O kon kɔɔli, mí polale Kanaan-nden le sɛŋin,

¹⁹ mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa.

²⁰ Yungula fula o polale Ham-nden nin-ndan la yɔŋnun ndan ni. A va a piɔvannda a kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

²¹ Mí Sɛm, bɛndoo Yafɛt bɛɛ vialu vanpiaandua. Ndu Sɛm kon yɔŋnun fuɲa-mama Hebɛr-o a polale fula o Hebɛr nin-nden kpow ni.

²² Poaa Sɛm-nda va haa ni: Elam, Asur, Arpaksad, Lud a Aram.

²³ Poaa Aram ndu velu-a va Ut, Hul, Ketɛr a Mas ni.

²⁴ Arpaksad velu Sela ni, mí Sela ndu vialu Hebɛr.

²⁵ Mí Hebɛr vialu poaa nda ŋiɔn: po ndɔ tasoo diolan Pelɛk (kon co dimio ni aa «Piɔwvo»), kani o paale ndɔlen vanndacieea o ceendo coo a piɔvan ni. Pɔmbɔ ndɔ diolan aa Yɔktan.

²⁶ Mí Yɔktan vialu Almodad, Selɛf, Hasarmavɛt, Yera,

²⁷ Hadoram, Usal, Dikla,

²⁸ Obal, Abimaɛl, Saba,

²⁹ Ofir, Havila a Yobab. Nda kpede yɔŋnun poaa Yɔktan-nda ni.

³⁰ O lɛŋnde Mesa len a o lɛŋnde n'pembulen Sefar tɛɛn nda va icali ni, a kpengii paalen le can-nde.

³¹ Yungula fula o polale Sɛm-nden nin-ndan la yɔŋnun ndan ni. A va a piɔvannda a kundulan o lɛŋnden coo mɛɛ súúla ndalan a sɔɔn ndan mangalan va yɛ.

³² Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.