Ɛstɛr 10 - BII BILA

Mardosee hɛnan masaa taw

¹ Mí masaa Sɛrsɛs baŋ vanaa va o lɛŋnden nin-nda a vanaa va o mɛmma ihɛllan tɛɛn-nda le muloo malɔɔ.

² Dɛnnda ndɔla kpaayalan a yoomuma ndɔan kpow, a mɛɛ ndóò suili Mardosee mí ndóò kɛsi ndu o fonda bɛndoo yɛ, la co lasɛvaa o sɛbɛ sɔɔn paandun masaa Mɛdea a Pɛrsea n sɛvan nin-ndon nin.

³ Mardosee Yuifinɔ va vana diinndɔɔ o masale Sɛrsɛs len nin ni. Yuifia ndáà nɔ bɛɛle Mardosee len taw-taw, ndóò hɛnan vɛlɛ vannda kpow. Kani o va baalaa le dɛnɛ kɛndɛ yungu ndɔɔ, mó va vɛlɛ sɔɛi le kɔlɲulu ndaa.