Condii lisai 98 - BII BILA

La solul Mɛlɛka condun sɛnɛiyon

1 La solul Mɛlɛka condun sɛnɛiyon,

¹ La solul Mɛlɛka condun sɛnɛiyon, kani o tosá dɛnnda kaamaalan a kpaayaa ndɔɔ a á halayɛi ndɔɛi.

² Mɛlɛka cɔm cinda ndɔɔ, mó cɔm vanaa-mangalaa-isɔɔa sandii ndɔɛi.

³ O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

⁴ Niaa vanaa co o lɛŋnden coo-a kpow, la yonda a ɲaaloo le Mɛlɛka mì la condu.

⁵ La lɔɔ bangaa le Mɛlɛka, mì la soli condon a ɲɛm-caan.

⁶ La hɔŋ bululan a leelan, la yonda a ɲaaloo Mɛlɛka co Masaa-o o hɔl.

⁷ Màá mɛmma ihɛllan, ɲɛm co lenin-ndon a vanaa co o lɛŋnden coo-a kpow a deŋi a ɲaaloo!

⁸ Màá peela bɛndulan la tiɔm balan, mì pembon n va yondaa a kɔlkɛndɔɔ latulu

⁹ Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.