Condii lisai 93 - BII BILA

Nɔm Mɛlɛka co masaa ni

¹ Nɔm Mɛlɛka co masalen tosaa ni, a cii vanabɛnduyɛi vownɔn maa doma bɛndu, mà yiinun yoomuan maa leyáw. A cii lɛŋnden simi, le kpeŋan te.

² Sindɛ pá kpɛŋɛ lemasa nɔmndo kɛsin ni, a co le fɛɛn a fɛɛn.

³ Éé Mɛlɛka! Mɛmma ihɛllan ma co diomndo solio, ma co diomndo solio a hiilɛi, ma co iyongban-yongbannde tuŋ.

⁴ Kɛ nɔm, a hiow diom mɛmma bɛndu kon, a hiow iyokpanyokpaŋii mɛmma ihɛl-lo. Mɛlɛka co coocoo-o nɔ kpaayaa.

⁵ Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.