Condii lisai 87 - BII BILA

Vannda kpow, Yerusalɛm nda velun ni

1 Condii poaa Kore-a soli-e.

¹ Condii poaa Kore-a soli-e. «O pembun diandan Siɔn coo Mɛlɛka kila Yerusalɛm ni.

² Kobi kon o hiow yeema a kobila tɔ̀la co o lɛŋnde Yakɔb len nin-ndan kpow.

³ Nɔm kobi Hala-o ho sei! Vannda co sɔɔn kɛndɔn dimio a nɔm o kɔɔ aa:

⁴ ‹Vanaa sina ya-a o hɔl, I pialnin vannda Esipte diolan, mì pɛl vannda Babilɔn diolan, mì pɛl vɛlɛ Filistia, vanaa fula Tir-a a vanaa fula Etiopii-a diolan, mí dimi aa o fandaa ho hoo velun ni.›

⁵ Kɛ Siɔn ndu, a diminin a ndu o kɔɔ aa: ‹Lon vannda kpow a velun ni, Ó-Hiow-Ɲɔɔn-Kpow-vo pila kila ndu ni.›

⁶ Mɛlɛka va pɛ vannda diolan sɛvaa, o sɛvanin le vana-vana aa: ‹Siɔn nanu ho velun ni.›

⁷ Éé nɔm kobi Hala-o ho, vannda vanin yolan a condon aa: ‹O nɔm nin naa n dɔawnun ɲaale ni.›»