Condii lisai 57 - BII BILA

Hal a-Hiow-Ɲɔɔn-Kpow-vo ya co piɛiyo ni

¹ Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni. Telen David hɛlun Saul o buululan nin mó ɲaanun-ndo o soli condei he ni aa:

² Éé Hala, tuinun ya iɲíí! Tuinun ya iɲíí yandi! Kani nɔm o ibuŋ ya hin vionnɔnndo nuaa ni. I hin vionnɔndo nɔm o kumbanndan bɛngu háá mì sanga bɛndoo ho hiow.

³ Hala-Hiow-Ɲɔɔn-Kpow-vo o lani ya co cɛɛŋɔnndo nuaa ni, ó co dɛnnda nilan kpow nɛŋio-o.

⁴ O lonin o halataala, mó mala ya, mó lɔɔ vanaa co ya yɛlen tollo-a. Hala tuisilnin ya kaola ndɔɔ a sakpoyɛi ndɔɛi.

⁵ Yàlàá tɛɛn ya co ni, vanaa sɔamaa n'vanndacieea tɛɛn ya o ihini ni. Ciŋun ndan co maa labál, maa n'kɔɔ. Diɛɛmui ndɛi co maa mɔɔn cɔvun cɛɛŋaa.

⁶ Òó Hala! Cɔm bɔɔbɔɔyɛi nɔmnde, í hiow halataalaa-e. Màá biilu nɔmndo va o lɛŋnden kpow coo!

⁷ Yaamɔɔa tondu yalaa o kàŋnda nilan coo, mí kpakpala ndu. Má toaw soondo o nɛi nuu coo, mí nda pila deli lenin.

⁸ Kɔl nuu sim yili, òó Hala, kɔl nuu sim yili. I solinin condon mì lɔɔ ɲɛ-caa.

⁹ Tiondu, nɔm biilu nuu! Nɔm bangaa a nɔm bondomaa, la tiondu! Kani i co ɲɛ-tengaa paale siaa tindi.

¹⁰ Àá Maalii! I sangalanin nɔm vanaa súúla celen tɛɛn. I solulnin nɔm condon vanaa-mangalaa-isɔɔa tɛɛn.

¹¹ Kani kɛndɛi nɔmnde tiiya o halataala di, sakpoyɛi nɔmnde tiiya o yumbuyumboo nin di.

¹² Òó Hala! Cɔm bɔɔbɔɔyɛi nɔmnde, í hiow halataalaa-e. Màá biilu nɔmndo va o lɛŋnden kpow coo!