Condii lisai 3 - BII BILA

Yaamɔɔa tɛɛn, Mɛlɛka ya tiindan ni

¹ Condii David soli telen o va Absalɔm po ndɔ ɲaanɔnndo-e.

² Kpòkóó Mɛlɛka! Yaamɔaa nia kui bɔɔ! Sɛ́lɛ́ bɛndoo co cɔnɔnndo le ya cɔlɔbaa.

³ Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

⁴ Kɛ nɔm Mɛlɛka co kɔ̀ɔ̀ cɔw co ya kandaa-o ni. Nɔm co biilu nuu ni, nɔm soli ya siɛmbulan ni.

⁵ I co diomndo heeloo o Mɛlɛka lo, o co ya mulullo o pembii ndɔɛi diandɛi coo.

⁶ I hini pɛ, i lɔlnun fɛɛ, i tendu a ba ni. Kani Mɛlɛka ya tiindan ni.

⁷ Mɛ̀ɛ́-mɛ̀ɛ́ sɛ́lɔ́ɔ́ balu ya le ya delɔɔ coo, siòòŋii bíì ya a nda le.

⁸ Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

⁹ Nɔm Mɛlɛka nɔ cindaa o ba ni. Màá duaa nɔmndo va vanaa nɔmnda coo!