Condii lisai 23 - BII BILA

Mɛlɛka co ya mandaa ni

1 Condii David-e.

¹ Condii David-e. Mɛlɛka co ya mandaa ni maa vana mandaa n'saa, ɲɛ-ɲɛ co ya lepɛŋ te.

² O yambù ya o yondo puiyaa coo, o kɔa a ya o mɛmma co biiŋɔn te-an ikɛi.

³ O co ya yoomuan mingio o n'dial, o co kɔlan a ya o nɛila dɛnɛ sandaalan coo le diola ndɔlan.

⁴ I va bɛɛ kɔlan o ból vunduma piɔ́mndo nin, i buulan le ɲɛ-ɲɛ vɔɔn te, kani nɔm Mɛlɛka co ya ikɛi. Sionnde nɔmnden a tinda nɔmndo co ya kɔllo kɛsio.

⁵ A co ɲɛdiaa sɔvɛɔ toosiaa le ya yaamɔaa nia o hɔl, a co ya cuɛiyan suuo o lebol, taala kólaa nuu co piɔu háá mò va coŋndo.

⁶ Dɛnɛ kɛndɔɔ a kɛndɛi nɔmnde vanin ya kɔɔli o palɛi ya vanin yoomu-e kpow nin. I vanin hunɔɔ o Cɛi-Mɛlɛka-o nin lɔ́ɔ́-lɔ́ɔ̀.