Condii lisai 15 - BII BILA

Ɲɛ Mɛlɛka yeema vanaa ndɔa o ba-o

1 Condii fula o condun David-on nin-nde.

¹ Condii fula o condun David-on nin-nde. Éé Mɛlɛka! Nɛ̀ɛ́ luɛi yɛnin o cɛi-kola-toandaa nɔmndo nin? Nɛ̀ɛ́ tiw yɛnin ba calle o pembii nɔmii diandɛi coo?

² Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

³ Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

⁴ Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

⁵ O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.