Condii lisai 149 - BII BILA

Bɛɛle co le vanaa laalannda len

¹ La lisa Mɛlɛka! La solul ndu condii sɛnɛi-ye, la sangala ndu vanaa lo o lediom coo-a tɛɛn.

² Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

³ La biilu ndu a yolan, la lɔɔ dundulan a bondomalan.

⁴ Kani Mɛlɛka co a ɲaaloo le vanaa ndɔa, o cii vanaa tuisin tootoo-a ciindiaa le lɔ́ɔ́-lɔ́ɔ̀.

⁵ Vanaa lo o lediom coo-a sei! La huulu a ɲaaloo mì la sangala Hala. Hali telen niaa co o kpelela niaalan coo-o, la va yondaa a ɲaaloo.

⁶ Màá condun sangalan Hala-an piɔ niaa o lasondo, mì mɔɛi cɔvii sondola tiɔnnde i va niaa o laba

⁷ le vanaa-mangalaa-isɔɔa màá mingullo a le vannda saangiaa!

⁸ A bayiaanin masaa ndaa o yɔlɔn, mà yiw simlacia ndaa a cilinndon.

⁹ A tosanin a nda mɛɛ yaman Hala-an kelun le nda-on n co n'sɛvaa yɛ. Bɛɛle co le vanaa lo o lediom coo-a kpow len le co len ni. La lisa Mɛlɛka!