Condii lisai 138 - BII BILA

I yeema mì lisa nɔm a kɔl nuu kpow Mɛlɛka

1 Condii fula o condun David-on nin-nde.

¹ Condii fula o condun David-on nin-nde. Mɛlɛka, i yeema mì lisa nɔm a kɔl nuu kpow, mì solul nɔm condon ɲɛm co o halataala-on kpow o hɔl.

² I baŋnin vulan Fonda-Diandaa nɔmndo o hɔl, mì lisa diola nɔmndan le kaola nɔmndo a le lo n lo o lediom coo-o, kani a peelu kpema nɔm óò yii-yo hiovɔɔ mɛɛ naa n va nɔm kɔl-lɛ coo.

³ Tuma ya ɲuna nɔm-ndo, má mulul-la, má luei ya yoomuan, má ke ya kpaayaa.

⁴ Mɛlɛka! Màá masaa co o lɛŋnden coo-a mel nɔm balika telen nda tuɛinin sɔɛi nɔmnde-o!

⁵ Mà condu a dɛnnda nɔmndan o kɔɔ, mà dimi aa: «Biilu Mɛlɛka-o co o bɔɔ.

⁶ Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

⁷ Te i va pɛ kelaa o mɔnɛi nin, nɔm Mɛlɛka co ya yoomoo yɔngoo. Yaamɔaa nia va bɛɛ ya simullo a kɔlta fulaa lan nuaa, nɔm Mɛlɛka kandanin yoomu nuu. A solinin ba kpaaya nɔmndo, mà ciindiaa ya.

⁸ A tosanin kon le ya, kaola nɔmndo nɔ lamɛɛlu le. Mal dɛnnda n tosa o laba lan te.