Condii lisai 130 - BII BILA

I co nɔm cumndo o mɔnɛi nin Mɛlɛka!

1 Condii vannda keì solio nɛi-tɛɛn o kɔlan-nde.

¹ Condii vannda keì solio nɛi-tɛɛn o kɔlan-nde. Mɔnɛi co ya o kɔl taw, i co nɔm veeloo le ya malaa Mɛlɛka!

² Maalii, tuei ya diom, tuei ya diom telen ya co nɔm cɛɛŋɔnndo o lani-o.

³ Taa puulun pɛ tɛɛmbuula naalan, ɔ́ɔ̀ vana lonin yoomu-o, Maalii?

⁴ Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

⁵ I co Mɛlɛka cumndo, i co ndu cumndo a kɔl nuu kpede, i laalan sɔɛi ndɔɛi.

⁶ Kɔl nuu co Maalii cumndo hiovɔɔ mɛɛ kpalilla cum paalen o siɔu nuaa yɛ, a toɲa, o hiow mɛɛ nda cum paalen o siɔu lende yɛ.

⁷ Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

⁸ O baŋanin Israɛlla le tɛɛmbuula ndalan kpow.