Condii lisai 128 - BII BILA

Duaa co le vanaa co Hala bɛɛlen keo-va kpow

1 Condii vannda keì solio nɛi-tɛɛn o kɔlan-nde.

¹ Condii vannda keì solio nɛi-tɛɛn o kɔlan-nde. Duaa co le vanaa nɔ siòòŋii Mɛlɛka-e, mà va kelaa o nɛila ndɔlan coo-a kpow!

² A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

³ Laa nɔm vanin o nɔm ndo cɛinin mɛɛ rɛsɛn tumndo koam ɲɛkɛndɛi nuaa yɛ. Poaa nɔmnda balunin tabali nɔmndo maa oliviee pɔmbɔ lende.

⁴ Duaa vanaa co sɔɛi Mɛlɛka-e biyɔɔ-a sɔlanin-ndo co hoo ni.

⁵ Màá Mɛlɛka dɔw nɔm duaa fulaa Siɔn! O kon, o palɛi n vanin yoomu-e kpow bɛngu, a dɔawnunnin ɲaale a dɛnɛ kɛndɛ co Yerusalɛm-ndo,

⁶ mà ce cuavaa poaa nɔmnda vialunin-nda. Màá Israɛlla sɔla kɔlɲuloo!