Condii lisai 127 - BII BILA

Ɲɛ-ɲɛ naa n co hoo sɔɔla, Mɛlɛka o ba o co fulaa ni

1 Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde.

¹ Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

² Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

³ Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

⁴ Mɛɛ kɔɔn n va vana cɔwvo o ba nuaa yɛ, lende koni cuavaa naa n co violɔɔ o felengiyɛi nin-nda co naa o ba ni.

⁵ Duaa co le vanaa pei bɔlɔla ndala n kɔɔ lan-nda! Siɛmbula biinin nda telen nda vanin yaamɔaa ndaa simullo o dio luɛyaa kobio-o le.