Condii lisai 124 - BII BILA

Mɛlɛka pila o ba mala naa co fula ni

1 Condii fula o condun David-on nin-nde, condii vannda keì solio nɛi-tɛɛn o kɔlan-nde.

¹ Condii fula o condun David-on nin-nde, condii vannda keì solio nɛi-tɛɛn o kɔlan-nde. Te ndóò ve Mɛlɛka le, ɔ́ɔ̀ vana óò cɛwnin naa-o? La mingì sondo, niaa Israɛlla, mì la dimi aa:

² «Te ndóò ve Mɛlɛka le, ɔ́ɔ̀ vana óò cɛwnin naa telen vannda ndáà del ho naa coo-o?»

³ Mɛɛ ndáà simul naa lende a kɔlta fulaalan taw yɛ, a va naa misimisi a kiyɛiya kpow.

⁴ N va miisu o mɛmndan nin kpow, mì mɛmma kongiyan maa kumbu naa,

⁵ mì mɛmma yongban-yongbanndan maa kei naa coo.

⁶ Balika Mɛlɛka, ndu Mɛlɛka cɛl kon a sɛɛsiaa naa a n'ciŋ maa visi nda bii-o loo!

⁷ Kɛ mí n hialun mɛɛ yowvo hialun o yala vana biyaa n'yowvo nuaa yɛ. Yalaa timbinndo, mí n poondan.

⁸ Mɛlɛka pila o ba mala naa co fulaa ni, o cɔw halataalaa a lɛŋnden-ndo.