Condii lisai 122 - BII BILA

La piɛi mì Yerusalɛm sɔla kɔlɲuloo

1 Condii fula o condun David-on nin-nde, condii vannda keì solio nɛi-tɛɛn o kɔlan-nde.

¹ Condii fula o condun David-on nin-nde, condii vannda keì solio nɛi-tɛɛn o kɔlan-nde. I dɔwnun ɲaale a vanaa co ya dimullo aa: «N kɔnnun o Cɛi-Hala-o nin-nda.»

² Éé Yerusalɛm! N co isisi o diola luɛyaala nɔmndan sondolan.

³ Nɔm kobi co hoo o cɔavaa ɲɛkɛndɛi-yo, nɔm co hoo o kungaa a kpakilan-ndo.

⁴ O nɔmndo polama Israɛlaa fula o Mɛlɛka nin-nda a co kɔlan nuaa ni, le diola nɔmndan sangalaa mɛɛ tɔŋndo co yɛ.

⁵ O nɔmndo kpɛŋɛla lemasalan la co ni, kpɛŋɛla lemasala yungu David-o pɛɛn.

⁶ La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

⁷ Màá kɔlɲuloo va o nɔm ndo cɛinin, mì kɔlkɛsiaa va o cɛila lemasala nɔmndan nin!

⁸ Le tùú ya kaola puapilɛa nia a caaŋaa nia-o, mí dimi aa: «Màá la sɔla kɔlɲuloo!»

⁹ Le kaola ya kaola Cɛi-Mɛlɛka naa-o. Dɛnɛ kɛndɛ nɔmndo ya co nuwviaa ni.