Condii lisai 121 - BII BILA

Ɔ́ɔ̀ vana malanin ya-o?

1 Condii vannda keì solio nɛi-tɛɛn o kɔlan-nde.

¹ Condii vannda keì solio nɛi-tɛɛn o kɔlan-nde. I co tofaa a kpengii pembon. Ɔ́ɔ̀ vana malanin ya-o?

² Mɛlɛka o ba mala nuu co fula ni, o cɔw halataalaa a lɛŋnden-ndo.

³ O cɛlnin mà siɛla le, vana co nɔm mandaa-o lɔlnin te.

⁴ Ndu co Israɛlla mandaa ni, o co yinda le, o co malɔ le.

⁵ Mɛlɛka mandanin nɔm, o co nɔm ikɛi mɛɛ vundulen le kanda vana nuaa yɛ.

⁶ Paale loonin nɔm ipala le, paangei palanin nɔm icɔl te.

⁷ Mɛlɛka kandanin nɔm le dɛnnda vɔɔnndan kpow, o mandanin yoomu nɔmndo.

⁸ O mandanin nɔm o kɔlan, mo manda nɔm o muungoo, kandɔɔ sunsun háá le fɛɛn a fɛɛn.