Condii lisai 120 - BII BILA

Éé Mɛlɛka! Baŋa ya vanaa lacòòvaa o ba

1 Condii vannda keì solio nɛi-tɛɛn o kɔlan-nde.

¹ Condii vannda keì solio nɛi-tɛɛn o kɔlan-nde. Telen ya va o mɔnɛi nin-ndo, mí koŋul Mɛlɛka o lani, mó mulul-la.

² Mɛlɛka, baŋa ya vanaa lacòòvaa a vanaa huiyaa n'vannda o ba.

³ Sanga yɛɛ Hala tuisi yɛnin niaa coo, niaa vanaa co haa vannda huiyo-a?

⁴ Kɔɔn cɔvun luɛyaa mɛnndonndon a dɛngulta leyinnda sɔngɔɲɔnndan o cucunin niaa coo ni.

⁵ Dɛnɛ palaa co le ya, le calii ya cal vanaa laasiannda ha tɛɛn, mí kila caltan o cɛila-kolala-toandaala vanaa diuvaa n'vannda ha tɛɛn-nde!

⁶ O co nin bɔɔ lɔ́ɔ́ levil mí kila caltan vanaa kɔlɲuloo nɛinun-nda tɛɛn.

⁷ Vana kɔlɲuloo ya co ni, kɛɛ te i soo pɛ, nda nda cɛn le cɔwvo.