Condii lisai 12 - BII BILA

Luɛyɔɔninndo kui bɔɔ

¹ Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

² Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

³ Còngùlan kínɛí la co nin vannda tɛɛn ni, sɔɔn sondo yeelɛiyon a sɔɔn muluanndon nda co nin dimulanndo ni.

⁴ Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!

⁵ Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

⁶ Mɛlɛka dimi aa: «Le tùú vanaa nɔ mayoomu le-a co o sangaa nin, mì vanaa bala fondoa co cɛɛŋɔnndo-o, i co cɔnɔn, mì baŋa nda vanaa co nda saangiaa-a o ba.»

⁷ Sɔɔn Mɛlɛka-on co n'diandaa maa volii humbui kei o yinnden nin bɛmbɛ leŋɔmmɛw mí i diandu-e.

⁸ Nɔm Mɛlɛka, a mandanin vanaa nda co palaa-a, ma kanda naa le fɛɛn a fɛɛn a vanaa kan.

⁹ Vanaa kɔlvesɛiya co bɛɛ kelanndo ba-ba fee, mì laasianndo va kuiyo vanndacieea tɛɛn.