Condii lisai 113 - BII BILA

Vana siiman Hala a ɲɛ-ɲɛ le

¹ La lisa Mɛlɛka. Niaa vanaa baalaa Mɛlɛka-a kpow, la lisa ndu, la lisa diola ndɔla diandaa lan.

² Màá diola ndɔlan la sɔla biiloo kandɔɔ sunsun háá le fɛɛn a fɛɛn!

³ O bɛnda mì diola ndɔlan la sɔla biiloo kandɔɔ nɛɛ paalen le can-nda kɔlan háá nɛɛ le del-la.

⁴ Mɛlɛka co vanaa-mangalaa-isɔɔa kpow coo, bɔɔbɔɔyɛi ndɔɛi co o halataalaa coo.

⁵ Ɔ́ɔ̀ niko vana velan a Mɛlɛka Hala naa-o, o co masalen tosaa coocoo di-o pɛɛn?

⁶ O tundun le halataala a lɛŋnden tofaa.

⁷ O soli vana ikɔɔ o cundoo nin, mó pisi vana dɛnɛ palaa co coo-o isisi fulaa o puulu sállo nin,

⁸ le nda kɛsio o fonda lebɛɔɔ nda simlacia vanaa ndɔ-a latulu.

⁹ O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.