Condii lisai 110 - BII BILA

Ɲɛ Mɛlɛka dimi le masaa a vanaa-solia-lasálàá o kɔɔ-o

1 Condii fula o condun David-on nin-nde.

¹ Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

² Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

³ Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

⁴ Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

⁵ Maalii co nɔm ikɛi. Paale o tambunin kɔllo len, o ciimiaanin masaa.

⁶ O kialunin vanaa-mangalaa-isɔɔa iyama, vanvílɛ́iya vanin kundalan, o ciimiaanin masaa co o lɛŋnden kpow coo-a.

⁷ Masaa keinin kolɔɔ o nɛi, o pee pɔmbɔɔ, o kon kɔɔli, o heelunin hɔlla.