Condii lisai 100 - BII BILA

Vanaa Mɛlɛka-a naa n co ni

1 Condii sálà sinaa ikɛndɔɔ.

¹ Condii sálà sinaa ikɛndɔɔ. Niaa vanaa co o lɛŋnden coo-a kpow, la solul Mɛlɛka diomndo a ɲaaloo.

² La tosal ndu baalaa a kɔlkɛndɔɔ, la hun ndu o hɔl a condun ɲaalon.

³ La sinà maa Mɛlɛka co Hala ni, ndu cɔw naa ni, a ndɔa naa n co ni, vanaa ndɔa pɛɛn, vanaa o co baloo dɔvɔɔ-a.

⁴ La luɛi o ndu lo cɛinin mì la mel ndu balika, la luɛi o ndu lo bɛɛ a condon, la mel ndu balika mì la lisa diola ndɔlan.

⁵ Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.