Zaburi 82 - Bibiliya Ijambo ry'imana

Imana icyaha abaca imanza zibera

¹ Zaburi ya Asafu. Imana iganje mu ikoraniro rinini, yacyashye abacamanza bigira nk'imana iti:

² “Nimurekere aho guca imanza zibera, mwe kugira abagome abere. Kuruhuka.

³ Nimurenganure abanyantegenke n'impfubyi, murengere abanyamibabaro n'abakandamizwa.

⁴ Nimutabare abanyantegenke n'abakene nyakujya, mubakize amaboko y'abagome.

⁵ “Abo banyantegenke n'abakene nta cyo biyiziye, nta n'icyo basobanukiwe, bararindagiye ni mu gicuku, erega ibintu byaracitse!

⁶ Naravuze nti: ‘Muri imana, mwese muri n'abana b'Isumbabyose.’

⁷ Nyamara muzapfa rumwe na bene muntu, muzakurwaho nk'umutware uwo ari we wese.”

⁸ Mana, haguruka urenganure isi, koko amahanga yose ni ayawe!