Zaburi 3 - Bibiliya Ijambo ry'imana

Isengesho ry'umuntu wibasiwe n'abanzi

¹ Zaburi ya Dawidi. Yayihimbye igihe yahungaga umuhungu we Abusalomu.

² Uhoraho, erega abanzi banjye ni benshi! Benshi bahagurukiye kundwanya.

³ Benshi banyishima hejuru bati: “Imana ntizigera imugoboka!” Kuruhuka.

⁴ Ariko wowe Uhoraho, uri ingabo inkingira, ni wowe nirata ugatuma mpagarara kigabo.

⁵ Uhoraho, ngutabaza ndanguruye ijwi, untabara uri ku musozi wawe witoranyirije. Kuruhuka.

⁶ Iyo ndyamye ndisinzirira nkaramuka amahoro, ndamuka amahoro kuko Uhoraho anshyigikiye.

⁷ Sinzatinya abantu ibihumbi n'ibihumbi bampagurukiye, bampagurukiye banturutse impande zose.

⁸ Uhoraho Mana yanjye, haguruka uze untabare, ukubite abanzi banjye ubazahaze, ubazahaze be kuzongera kwegura umutwe.

⁹ Uhoraho, ni wowe nyir'ugutsinda, none rero abantu bawe ubahe umugisha! Kuruhuka.