Zaburi 122 - Bibiliya Ijambo ry'imana

Gusabira Yeruzalemu amahoro

¹ Indirimbo y'abazamuka bajya i Yeruzalemu. Ni iya Dawidi. Narishimye ubwo bambwiraga bati: “Ngwino tujyane mu Ngoro y'Uhoraho.”

² None dore tugeze hano, twinjiriye mu marembo yawe, Yeruzalemu we!

³ Yeruzalemu ni umujyi wubakitse, wubatse ku buryo ari intamenwa.

⁴ Imiryango ya Isiraheli, ari yo miryango y'Uhoraho ijyayo, ijyayo gusingiza Uhoraho ikurikije ibyo yayitegetse.

⁵ I Yeruzalemu ni ho hacirwa imanza z'ubutabera, zicibwa n'abakomoka ku Mwami Dawidi.

⁶ Nimusabire Yeruzalemu amahoro. Yeruzalemu we, abagukunda nibahorane umutekano!

⁷ Amahoro narambe muri wowe, umutekano na wo usagambe mu bigo ntamenwa byawe.

⁸ Ndagusabira mu izina ry'abavandimwe banjye n'iry'incuti zanjye: “Uragahorana amahoro.”

⁹ Ingoro y'Uhoraho Imana yacu yubatse muri wowe, ni cyo gituma mpora nkwifuriza ishya n'ihirwe.