Yaŋ 54 - Yennu Gbouŋ Mɔɔr

Yenmiaru nba jiin datai gɔɔru po

¹ Yennu, jiin a paŋ ki tinnin, jiin a paŋ na ki ŋaan yann.

² Yennu, gbatir n miaru, ki gbiint n mɔmaan.

³ Karinbaandamm fiir n paaka, ki nitont koor a bin kpin; ŋamme tee binba baka kaa nan fin Yennu na.

⁴ Ŋaan barmɔnii, Yennu-e tee n sommtɔɔ. Ti Yomdaanɔe tee n fat-tɔɔ.

⁵ Yennu n te ki n datai na toonbiit n ŋmat kii tee bi tubdatu. U saa boontib, kimaan u kasii binbeŋ na paak.

⁶ Yennu, n saa mann parpeenn maruŋo ki tura. N saa pak ki dont a sann, kimaan a ŋan.

⁷ A nyinnin n daamii kura niwa, ki n la ki n datai baa.