Yaŋ 150 - Yennu Gbouŋ Mɔɔr

Ki jiin Yenpaku po

¹ Pakin Yennu man. Pakin Yennu, u jiantu ŋasaakak ni man. Pakimɔ sanpaapo nba ki u jii u paŋ ki nan na.

² Pakimɔ, kimaan waa tun toongbeŋa nba na paak. Ii pak dont u yabint yiikoo na man.

³ Ii jii naatuna ki pak dontɔ man. Ii jii kɔna nan naagbai ki dontɔ.

⁴ Ii jii gingana nan waak ki dontɔ. Ii jii kɔna nan yerii ki dontɔ.

⁵ Ii jii duunii ki pak dontɔ. Ii dontɔ nan duunii mɔnii bonchiann.

⁶ Bonfoa kur, ii dont Yennu. Pakin Yennu man.