Yaŋ 142 - Yennu Gbouŋ Mɔɔr

Yenmiaru nba jiin sommir po

¹ N yi Yennu ki loon sommir, n barimɔe.

² N teen ŋɔɔe n maan kura, n want ŋɔɔe n daamii kur.

³ Mi-i tan yaa man ŋaa tama yoo nba, u mi maa saa teen biaŋinba. N datai pii barite sɔnu nba ki n tɔkii na ni, ki guuntin.

⁴ Mi-i got ki lint n mɔŋ, n ki laat wunba saa sommin ki nyinnin, sɔɔ baka kaa n po.

⁵ Yennu, n mɔ nan fine ki loon sommir, Yennu, fine tee n guutɔɔ, fine tee wunba ki n mantik loon, n manfoor ni na.

⁶ Gbiintir mɔnii nba ki n mɔ ki loon sommir na, n gbee nan parbiire. Nyintin n datai nuu ni, kimaan bi paŋ gar n yara.

⁷ Nyintin n daamii na ni, ki man pak donta, a niib sinsuuk ni, kimaan faa ŋan ki turin na paak.