Yaŋ 138 - Yennu Gbouŋ Mɔɔr

Ki jiin niipoturu Yenmiaru po

¹ Yennu, n teena niipoouk nan n par kur; n yiin ki dontira malakanba kur boor.

² N gbaan ki took a kasii ŋasaakak na, ki dont a sann, kimaan a lomm nba kaa gbennu, nan a mamɔmm na paak, kimaan a wann nan a sann nan a sennii mɔk yiikoo ki gar bont kur.

³ Mi-i yiina yoo nba, a teenin gatu, a jikit a paŋ nae ki kɔɔntin paŋ.

⁴ Yennu, durinya kpanbara kur saa kpakita, kimaan bi gbat a mɔsona nawa.

⁵ Bi saa yin yanii ki jiin linba ki a tun na po nan a baakchiɔŋ na po.

⁶ Faa lek be sanpaapowa na, ŋaan a baka be tarii po, karinbaandamm na kan fit bɔr ki a daa laatibi.

⁷ Daamii-i lintin yoo nba, a tuu fatime, a tuu biir n datawutodamm nae, ŋaan jii a paŋ ki tinnin.

⁸ A saa tun linba kur ki a senn mɔsonn nan a saa tun nawa. Yennu, a lomm kaa gbennu, gbent toonn nba ki a piin na.