Yaŋ 130 - Yennu Gbouŋ Mɔɔr

Yenmiaru nba jiin sommir po

¹ Yennu, n be daanchiɔŋ nie ki yia.

² N Yomdaanɔ, gbiintir n mɔnii, ki gbat n fabinii nba jiin sommir po na.

³ Fi-i bonni sɔbin ti biitie, ŋmee ki a bo kan turɔ kaati?

⁴ Ŋaan a nyikin chabit ti biite a tin tura baakir.

⁵ N guu Yennu sommire nan n par kur, ki bia teen u maan yada.

⁶ N guu Yennu nan n par kur ki gar guutɔɔ nba tuu guu sanyiɔk yentu na.

⁷ Israel teeb, teent Yennu yada man, kimaan u lomm yɔɔ be-e, ki u bia teen siir yoo kur a wun tinni.

⁸ U saa nyinn u niib Israel teeb bi yanbɔmm kur ni.