Yaŋ 123 - Yennu Gbouŋ Mɔɔr

Yenmiaru nba jiin ninbatinu po

¹ Yennu, n gorii fine, n goriia yendɔuŋ ni, siaminba ki a naangbouŋ be na.

² Ti Yomdaanɔ Yennu, daabjak nba gaa u chanbaa paak biaŋinba, ki daabpook mun gaa u naa paak biaŋinba na; nnae ki ti mun maa a paak nan faa tan saa tinit ninbaauk yoo nba.

³ Ii mɔk ninbatinu ti paak; Yennu, ii mɔk ninbatinu ti paak; ti mantik la diabiiuk bonchiann.

⁴ Mɔkita na mantik sarikitit ki li wei bonchiann, ki karinbaandamm mantik biirit.