Yaŋ 120 - Yennu Gbouŋ Mɔɔr

Yenmiaru nba jiin sommir po

¹ Maa be daamii ni yoo nba, n yiin Yennu-e, ki u turin gatu.

² Yennu, nyintin faak damm nan kpinkpannii damm nuu ni.

³ Faak damm na, Yennu saa teeni nlee? U saa dat i tuba nlee?

⁴ U saa jii kunkɔnkɔnna peenporimii nan musankɔɔnae ki dat i tuba.

⁵ Maa be i boor na, li ton nan maa sii be Mesek tiŋ ni nae, koo nan Kedar teeb boor ni benu nae.

⁶ N kɔɔ nan niib nba ki loon parmaasir ki li wei bonchiann.

⁷ Mi-i piak parmaasir binbeŋ po, ŋamm tuu piak tɔb poe.