Yaŋ 114 - Yennu Gbouŋ Mɔɔr

Yukitgar tiaru yaŋ

¹ Israel teeb nba din nyii Ijipt yoo nba, ŋamm Jakɔb yaaboona nba din nyii tingaŋ maŋ niŋ yoo nba na,

² ŋamm Juda yaaboona din teen Yennu kasii niibe; Israel teeb maŋ din teen Yennu tiɔŋ niibe.

³ Ki Mɔkmuŋ na jiant got ŋaan gbab, ki Jɔɔdann mɔkir jit, ki ji ki puub.

⁴ Ki jɔjaana mɔbit nan buunii na, ki kunkona yuuk nan pebis na.

⁵ Mɔkgbeŋir, bee teen ki a gbabi? Ki fin Jɔɔdann mɔkir muni, bee teen ki a jit ki ji ki puubi?

⁶ Yimm jɔjaana na, bee teen ki i mɔbit nan buunii na? Ki yimm kunkona mun, bee teen ki i yuuk nan pebis na?

⁷ Tingbouŋ, ii jekir nan jaŋmaanii, kimaan Yennu baaru paak, ŋɔɔ Yennu nba ki Jakɔb din jiantir na.

⁸ Ŋɔɔe kpintir tanpiit ki tee nyunbua, ki kpintir jɔkunkona ki tee nyuntona.