Yaŋ 11 - Yennu Gbouŋ Mɔɔr

Dindann nba be Yennu ni

¹ N maa Yennu paake, ki u nyintin mukir ni. I tee jatite ki piak teenin a, “Yukit nan nɔɔŋ na ki do jɔjaana,

² kimaan biit damm jii bi tɔrbana ki be bunbɔnn ni ki tekin peenii a bin yek niŋamm na.

³ Li-i tee ki bonsiar kur biir, niŋanɔ saa tee nlee?”

⁴ Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun.

⁵ U bikii niŋamm nan biitdamm kure. U ki loon tubkangbata damm na.

⁶ U sikint mupeenu nan sarwuuta nitont paak. U daar bi tuba nan wartouŋ nba koot bona nae.

⁷ Yennu tee kasiie ki loon toonŋana. Binba tuun toonŋana sii tun be Yennu tɔɔnne.