Biblia Todo Logo
Bìoball air-loidhne

- Sanasan -

Hiibru teeb 4 - Yennu Gbounpaauŋ Mɔɔr

1 Mɔtana Yennu ji tur timme mɔlor maŋ a tin la foon nba ki u din piak li po na. Li paak, i bann i yanni man ki daa ŋaant ki sɔɔ-n tan kɔŋ foon maŋi.

2 Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.

3 Li paak, timm nba teen yada na, ti la foon maŋa. Li din tun kaman nan Yennu nba din yet biaŋinba na a “N wutoore doo, ki n por mɔb a ŋamm tan kan kɔɔ foon tiŋ nba ki n din bo sa turib na ni.” Ŋaan wa din tan yet linba na na, ki sɔɔ ki u poŋ tun u naamii toona gbenn pinpiik niwa.

4 Kimaan Yennu gbouŋ ni siar po li poŋ yet li daaŋannlore daar maŋ po a “Ki Yennu din nyik u toona kura ki foi daaŋannlore daar.”

5 Ŋaan ki u bia yet nna na a “Bi tan kan mi kɔɔ n foon tiŋ nba ki n din bo yaa n turib na ni.”

6 Binba din gbat barŋanii na sinsinn na din ki la li foon, kimaan bi din yêt Yennu mɔb. Li paak, nisiab be ki tan sa la foon maŋ.

7 Li paak, ki Yennu bia senn daleer ki yi daar maŋ “dinna.” Ki bina bonchiann din gar, ki Yennu din te ki David yet li po kaman nan la poŋ piak biaŋinba na a “Dinna, i-i gbat Yennu kunkɔr yoonba, ya daa nyar i tuba man.”

8 Kimaan Joshua-i diŋŋi turib foon, li poorpo Yennu ji bo kan pak daleer po.

9 Li paak, foon dasiar bia daa be ki tee Yennu niib yar, kaman nan wa din foi daaŋannlore daar biaŋinba na.

10 Kimaan wunba la Yennu foon maŋ, u nyik u toona nee na kaman nan Yennu nba din nyik u naamii toona ni biaŋinba na.

11 Li paak, ŋaant man ki tin yabir ti mɔŋ ki la foon maŋ, ŋaan ki ti sɔɔ tan daa kɔŋŋit kaman nan ba din yêt Yennu mɔb ki tan kɔŋŋir biaŋinba na.

12 Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

13 Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.


Yisae tee ti mantɔjaann

14 Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

15 Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.

16 Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor ni, a tin la ninbatinu nan sommir ki lin sommit yoo nba ki ti loonn na.

Lean sinn:



Sanasan