2 Tesalonika teeb 1 - Yennu Gbounpaauŋ Mɔɔr

¹ Min Pɔɔl nan Sailas nan Timoti sɔbin gbouŋ na ki teen ti Yomdaanɔ Yisa Masiaweira nba be Tesalonika ki bia tee Yennu yab na.

² Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Masia baaru labaar

³ Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

⁴ Li paak te ki ti mɔk yuugontir i paak Yennu niib boor ni, i sukuru nan yada nba ki i mɔk i muksuk nan i fara ni, kii lek be nan gbankur na.

⁵ Linba nee want nan Yennu barbunu tee mɔnii; li paak ki u tan sa yet a i jaŋ nan i be u naan ni; u naan maŋ paake ki i di fara maŋ.

⁶ Yennue tuun linba took; u sa te ki binba dinti fara maŋ na-n mun di fara nnee,

⁷ ki fat yimm nba di fara na, ki mun bia fatit. Yennu tan sa tun linba na yoo nba ki ti Yomdaanɔ Yisa nan u yabint malakanba tan sa nyi Yendɔuŋ ni ki baar nan mupeenu,

⁸ ki tan dat binba ki sak u barŋanii ki bia ki mi Yennu na tuba;

⁹ ki ti yabint Yomdaanɔ nba be yentchiauŋ ni tan sa nyinnib u boor ni, ki bi sa la biiru nba kaa gbennu;

¹⁰ u tan sa tun nnee daar nba ki u tan sa baar ki gaar dontir nan paku u weira kur nba teenɔ yada na boor ni. I mun tan sii tee bi yemme, kimaan i poŋ teen barŋanii nba ki ti din beti na yadawa.

¹¹ Li paake ki ti mei Yennu yoo kur ki teeni. Ti meiɔ a wun te ki yin jaŋ nan manfoor nba ki u din ganni a i taŋŋi be leŋ na nie. Ti meiɔ a wun jii u paŋ ki te ki yii tuun toonŋana kur nba ki i loon a i tuun na, ki gbenn toona kur nba ki i tuun i yada paak na.

¹² Nnee sa te ki ti Yomdaanɔ Yisa sann na-n la dontir i paak, ki yin mun la dontir u paak, ŋɔɔ Yennu nan ti Yomdaanɔ Yisa Masia ninbatinu paak.