Sabuli 70 - Baibuli I Leb Kumam 2013

Ilega me Kwano Kony

¹ Okwe Rubanga, mi cunyi bed yom pi laka. Okwe Rwot, susunyo bino konya!

² Mi lewic kede atotolun mak jo kame mito neka. Mi jo kame mito timo na raco wilun dok cen kede lewic.

³ Mi jo kame nyera wilun dok cen pi lewic.

⁴ Mi jo dedede kame moi leli doko kibed kede yomcuny. Mi jo kame maro alako nin wac nakanaka be, “Rubanga dwong!”

⁵ Do ango gira abedo ngacan doko ali kede gimoro; susunyo bino buta, Okwe Rubanga! In en ngakony na kede ngalak na; Okwe Rwot, kur igali!