Sabuli 148 - Baibuli I Leb Kumam 2013

Lwongo but Cwec Lung pi Pako Rubanga

¹ Pakunu Rwot! Pakunu Rwot i malo; Pakenu i okwidu!

² Pakenu, wun imalaikan mege dedede; pakenu wun jo yi mege dedede!

³ Pakenu, wun ceng kede duwe; pakenu, wun acer kame rieny dedede!

⁴ Pakenu wun malo kame tie kakawiriwir, karacel kede wuda pii kame tie kakabor kalamo malo!

⁵ Mito gin dedede kipak nying Rwot, piento en bin emio cik di gin kiko bedo tie.

⁶ En bin esipo gi i kabedere gi pi ikar kede ikar; emio cik kalikame gin kikaruno turo.

⁷ Pakunu Rwot ki piny, wun leini kiyiliyili me nam kede pie dedede atut,

⁸ wun meny me kot kede akako, toyo kede ekuna, yamo atek me kot kame lubo cik mere!

⁹ Pakenu, wun mori kede imukuran dedede, yen anyak kede yen seda dedede!

¹⁰ Pakenu wun leini me obar kede doke dedede, jamini aliao alia kede winy apor!

¹¹ Pakenu, wun abakai me lobo kede jo dedede, jotel kede jopug dedede me piny;

¹² awobe kede anyira, jo oti kede joatino karacel!

¹³ Mito gin kipak nying Rwot, pien nyinge kenekene en kame dwong; deyo mere kalamo gi dedede kame tie i piny kede i malo.

¹⁴ En etieko mino jo mege odoko tek, tetekeny jo mege dedede agenere pake, gin jo me Isirael kame en emaro. Pakunu Rwot!