1 Iyutun 3 - Baibuli I Leb Kumam 2013

Idwe ka Abaka Daudi

¹ Magi en oudo idwe ka Daudi kame enywalo di etie Keburon: Aminon oudo obedo kao mere kame enywalo kede Akinoam me Jeserel; Danieri oudo obedo awobi me are kame enywalo kede Abigail me Kamel;

² Abisolom oudo obedo wode kame enywalo kede Maka, nyar ka Abaka Talamai me Gesur; Adoniya oudo obedo wode kame enywalo kede Kagit;

³ Sepatia oudo obedo wode kame enywalo kede Abital; Itiream oudo obedo wode kame enywalo kede Egela.

⁴ Idwe kanyape nogi dedede bin enywalo gi i Keburon i kare me mwakini kanyaare kede dul kame en epugo kede kunono. En bin eko pug i Yerusalem pi mwakini ot adek kiwie adek,

⁵ di eko nywalo awobe atot ki kunono. Dako mere Bateseba, nyar ka Amiel onywalo ne awobe ongwon: Simea, Sobab, Natan, kede Sulumani.

⁶ Oudo doko etie kede awobe ace kanyangon: Ibar, Elisua, Elipelet,

⁷ Noga, Nepeg, Yapia,

⁸ Elisama, Eliada, kede Elipelet.

⁹ Medo i wi magonogi, Daudi oudo bobo tie kede idwe kame bin enywalo kede mon kalikame bin enyomo; oudo da etie kede nyare anyinge Tamar.

Ikwae ka Abaka Sulumani

¹⁰ Magi en ikwae ka Sulumani di kotero nying gi iepone kame kilubere kede: Rekoboam wode, di Abija, di Asa, di Yekosapat,

¹¹ di Yoram, di Akasia, di Yowasi,

¹² di Amasia, di Asaria, di Yotam,

¹³ di Akas, di Esekia, di Manase,

¹⁴ di Amon, di Yosia.

¹⁵ Yosia oudo tie kede awobe ongwon: Yokanan, Yekoyakim, Esedekia, kede Yoakas.

¹⁶ Yekoyakim oudo tie kede awobe are: Yekoyakin kede Esedekia.

Ikwae ka Abaka Yekoyakin

¹⁷ Magi en ikwae ka Abaka Yekoyakin, ngat kame bin komako di oko tero Babilon bala mabus me yi. Yekoyakin oudo tie kede awobe kanyaare: Selatiel,

¹⁸ Malkiram, Pedaya, Senasar, Yekamia, Kosama kede Nedabia.

¹⁹ Pedaya oudo tie kede awobe are: Serubabel kede Simei. Serubabel oudo tie kede awobe are: Mesulam kede Kanania, kede nyako acel, en Selomit.

²⁰ Oudo doko etie kede awobe ace kany: Kasuba, Okel, Berekia, Kasadia, kede Yusab Kesed.

²¹ Kanania oudo tie kede awobe are: Pelatia kede Yesaya. Yesaya oko nywalo Repaya, di Repaya oko nywalo Arenan, di Arenan oko nywalo Obadia, di Obadia oko nywalo Sekania.

²² Sekania oudo tie kede awobi acel, en Semaya. Awobe ka Semaya gin en: Katus, Igal, Baria, Nearia, kede Sapat.

²³ Nearia oudo tie kede awobe adek: Elioenai, Kisikia, kede Asirikam.

²⁴ Elioenai oudo tie kede awobe kanyaare: Kodabia, Eliasib, Pelaya, Akub, Yokanan, Delaya, kede Anani.