Yosua 12 - Baibuli I Leb Kumam 2013

Abakai kame Musa Obwono

¹ Jo me Isirael oudo kong sek otieko bwono abakai are di gin kiko donyo bedo i lobo gi. Manono en bad tetu kide me Yorodan, cako ki Aditot me Arunon paka tuno i Aditot me Yorodan, kede da dok i bad tetu malo tuno i moru me Kerimon.

² Acel kikom gi oudo obedo Abaka Sikon me jo Amor, kame oudo pugo ki bomba me Kesibon. Lobo kame en oudo epugo oudo obedo dul me lobo me Gilead, manono cakere ki Aroer (kame tie i lak aditot me Arunon) kede bomba kame tie i dier aditot nono, di eko ot ape ape paka tuno i ecilet me Jabok, kame obedo ikor me Amon;

³ oudo eribo Aditot me Yorodan cako ki nam me Galilaya dok i bad tetu piny tuno Bet Jesimot (kame tie i bad tetu kide me Nam Oto), di eko kato tuno i dud moru me Pisiga.

⁴ Kibwono da Abaka Og me Basan, dano me ajikini me jo Repaim, kame oudo bedo Asitarot kede Ederei.

⁵ Lobo kame oudo epugo oudo ribo moru me Kerimon kede Saleka, kede Basan dedede kiton tuno i ikor me Gesur kede Maka, kiton ribo da dul me Gilead kiton tuno i adul ka Abaka Sikon me Kesibon.

⁶ Musa kede jo me Isirael obwono abakai are nogi. Musa, ngatic ka Rwot, oko mino lobo gi but jo me ekeko ka Ruben kede Gad kede dul me jo me ekeko ka Manase, pi doko mergi.

Abakai kame Yosua Obwono

⁷ Yosua kede jo me Isirael obwono abakai dedede kame oudo tie i lobo atie i bad tetu tim me Yorodan, cako ki Balagad i aditot me Lebanon tuno i moru me Kalak i bad tetu piny i nget Edom. Yosua opopoko lobo noni ne jo me ikekon me anywali me Isirael pi bedo mergi me atwal.

⁸ Lobo noni oudo ribo piny me imukuran, lobo katie i bad imukuran me bad tetu tim, Aditot me Yorodan kede bad imukuran mege, lobo katie i bad imukuran me bad tetu kide, kede lobo kotuo atie i bad tetu piny. Lobo noni oudo jo kame bedo iye ige: jo Kiti, jo Amor, jo Kanan, jo Perisi, jo Kibi, kede jo Yebu.

⁹ Jo me Isirael obwono abakai me bomban gi ta: Jeriko, Ai (i nget Betel),

¹⁰ Yerusalem, Keburon,

¹¹ abaka me Yaramut, abaka me Lakis,

¹² abaka me Egilon, abaka me Geser,

¹³ abaka me Debir, abaka me Geder,

¹⁴ abaka me Koroma, abaka me Arad,

¹⁵ abaka me Libina, abaka me Adulam,

¹⁶ abaka me Makeda, abaka me Betel,

¹⁷ abaka me Tapua, abaka me Keper,

¹⁸ abaka me Apek, abaka me Lasaron,

¹⁹ abaka me Madon, abaka me Kasor,

²⁰ abaka me Simiron Meron, abaka me Akisap,

²¹ abaka me Tanak, abaka me Megido,

²² abaka me Kedes, abaka me Yokineam (atie Kamel),

²³ abaka me Dor (i dog nam), abaka me Goim (atie Galilaya),

²⁴ kede abaka me Tirisa, gin dedede abakai ot adek kiwie acel.