Yobu 25 - Baibuli I Leb Kumam 2013

Bildad Owaco be Dano Likame twero Bedo di Epoore i Nyim Rubanga

¹ Di Bildad dano me Sua oko dwoko be,

² “Loc obedo me ka Rubanga, doko en epoore alwora; en emio mulem bedo tie i malo.

³ Benyo, tie ngat kame karuno maro wel me isirikalen mege? Tuai kalikame lero mere rieny iye?

⁴ Dano karuno bedo di epoore i nyim Rubanga benyo benyo? Dano kame dako onywalo karuno bedo di cunye cil benyo benyo?

⁵ Ka akadi duwe da rieny pwolpwol i nyime doko acer da likame tie kede lero aber,

⁶ do dano adana do tie nyo i nyime, dano gi kobedo kudiling akudiling!”