Sabuli 95 - Baibuli I Leb Kumam 2013

Wer me Pak

¹ Okwe bianu owerunu but Rwot; olelemunu kede kilel but lela kame lako wa.

² Bianu i nyime kede pwoc; olelemunu kede kilel bute di owerunu were me pak.

³ Pien Rwot obedo Rubanga kame dwong, en Abaka kame dwong kalamo rubangan dedede.

⁴ Lobo lung tie i cinge, cakere ki piny kakatut tuno malo i wi mori.

⁵ Nam obedo mere, piento en kame ecwee, kede lobo kakotuo da obedo mere, en kame cinge ocweo.

⁶ Okwe bia owerunu, olurunu wi wa piny, oriondikunu i nyim Rwot ngat Kocweo wa!

⁷ Piento en Rubanga wa, wan obedunu jo kame en egwoko, romini kame kuo i cinge. Okwe koto di tin iwinyunu kop mere be,

⁸ “Kur ibedunu kede tekwic bala bin i Meriba, bala kame bin gin kitimo kede i Masa i ceng ca i wi tim,

⁹ i kare kame bin joakwari wu otama kede, di kimito be ami gi anyut, bed bala oudo kitieko neno tic na.

¹⁰ Cunya bin oko dagi lwak me i kare nono pi mwakini ot ongwon di awaco be, ‘Gin kibedo jo kame cuny gi parao tenge nakanaka, doko likame kitimo gikame ango amito.’

¹¹ Pi mano, ango bin ako kwongere kede wangcuny be, ‘Gin likame kibino donyo i wei na.’ ”