Sabuli 82 - Baibuli I Leb Kumam 2013

Rubanga en Ngapug Adwong

¹ Rubanga otieko bedo i kom i kansulo mere; en engolo kop i diere me rubangan be,

² “Ibinunu tieko kare kame rom kamene di likame ingolunu kop i ateni, kede di igangunu jo areco?

³ Ngolunu kop me ateni pi jo agoro kede idwe kic; gwokunu twero me jocan kede me jo kame piny oloo.

⁴ Lakunu jo agoro kede jo kame piny oloo; lakunu gi ki cing jo areco.”

⁵ Gin likame kitie kede ngec akadi niang, kioto i colo; tim me ateni kame mio lobo cungo kiber oyangere.

⁶ Ango awaco be, “Wun ibedunu rubangan, wun dedede ibedunu idwe ka Rubanga Ngamalo Twal;

⁷ akadi kamanono da, wuda ibinunu to bala jo, doko kuo wu bino jik bala me jopug apat.”

⁸ Yai, Okwe Rubanga, ingol kop ne lobo; pien atekerin dedede obedo megi.