Sabuli 8 - Baibuli I Leb Kumam 2013

Deyo ka Rubanga kede Dwongo ka Dano

¹ Okwe Rwot, Ngadwong wa, nyingi tin dwong benyo i wi lobo lung! Pak kame jo mii pi deyo ni tuno i malo,

² di ewok ki dog idwe kede imukerun. In itieko cibo kateko pi gengo jokwor ni, pi tieko kop me jokwor ni kede jo kame culo kwor i komi.

³ Ka ango aneno malo, gikame obedo tic me cingi, duwe kede acer kame in icibo,

⁴ dano obedo nyo kame mio in iparo pire; kom dano adana en kame in iparo pire?

⁵ Akadi kamanono da, in imio dano kabedo kame noko merin kalamo giacwea dedede, di iko ngapo ne deyo kede wor.

⁶ In imie pugo gi dedede kame obedo tic me cingi; in iketo gi dedede i loc mere:

⁷ romini dedede kede dok, kede leini me obar da;

⁸ winy me wi yamo kede deknam, kede jame dedede kame bedo i nam.

⁹ Okwe Rwot Ngadwong wa, nyingi tin dwong benyo i wi lobo lung!